Month: 十月 2014
Trick Or Treat 唔派糖 ?? 褶糖一樣得??
今個萬聖節, 我決定「整蠱」一下小朋友, 玩Trick Or Treat時, 我派一粒「褶紙糖」, 當小朋友以為無糖食之際, 打開粒「褶紙糖」, 原來真糖就在裡面. 哈~哈~哈~
「紙糖」其實由底, 面兩部份組成, 結合一起的話就好似一個收藏盒一樣.
首先預備兩張正方形紙, 基本上兩張紙 (即底和面兩部份) 的褶法有9成步驟也是一樣的.
我們要將紙平均對褶, 然後繼續再平均對褶兩次.
攤開紙張, 我們就可以將紙平分8份. 其實, 這是横向部份.
之後我們將紙縱向放再重覆以上步驟, 亦是將紙平分褶出8份, 完成後, 我們就造出8×8=64個細小正方格.
我們沿剛才的褶法, 褶好紙張, 並預留中央4格(紅色)作為糖盒的底部, 所以, 請在左右兩邊紅線位置褶一褶, 造出褶痕.
之後再於如上圖般用力褶出黃色「X」褶痕. (其實, 主要是方便造出糖盒的邊緣)
由於有褶痕的緣故, 所以當我們輕輕將兩邊的部份向上一推, 盒邊就會自動褶出.
將紙向盒底一屈, 就順利完成一邊, 當然, 另一邊也是同樣方法制作.
糖果的底盒就出現眼前.
糖果外蓋一樣是同樣方法制作, 不過, 要留意對褶方法, 一定要如上圖, 底及面也要開口的.
之後, 我們如同之前褶糖盒一樣, 褶出中間4格位置, 及左右交叉的褶痕.
基本上輕輕將左右兩邊褶合起來, 已造出糖果的包裝紙外貌, 不過因為這樣, 糖紙不夠結實去乘托底盒部份, 所以我們要再褶一褶左右兩邊的邊緣位置.
將「糖果包裝紙」最外層的角位向內一褶. 即是上圖紅色三角形部份. (當然左右兩邊糖紙的上, 下層也要同樣褶疊), 記得四邊也如下圖的將紅色三角形部份向內褶.
最後, 你就會發現, 每邊的「糖果包裝紙」也會出現一個正方形, 只要再將正方形下方的三角形 (B) 向 (A)褶上, 結結實實的糖紙就完成了.
記得四邊都要將外層(B) 向 (A)褶上, 否則, 你會發現當你一套上糖盒底, 「糖果包裝紙」就會鬆開, 不能成形. (左邊有褶, 但右邊則未褶, 出來效果分別很大).
大功告成!!! Trick Or Treat 另類糖出現啦. 祝各位大小朋友萬聖節愈嚇愈快樂!!
Facebook : https://www.facebook.com/hayakutang
http://dayanlife.blogspot.hk/2014/10/trick-or-treat.html
為咗見布甸 寶琳趕落百德新街旁邊 @ 新都城MCP貴族布甸狗
布甸狗是阿囝的新偶像, (其實我也不知道他從何時開始愛上布甸狗), 所以當我知道昨日, (10月29日)寶琳新都城有得睇布甸狗, 放學立即帶他去將軍澳探布甸.
囝不知多興奮, 全程地鐵也問我:「係米有好多布布(他稱布甸狗的花名)架?」, 「大唔大隻架?」當我們到達新都城之後, 奇怪的…只見工作人員仍然在搭建布甸狗的舞台. 於是我問工作人員, 原來舞台11月8日才開始喎.
新都城官方facebook明明在昨日上載了布甸狗的照片喎 ?? 於是我走到詢問處查詢, 制服小姐答:「舞台是聖誕擺設嚟架, 而你所講嗰個電話亭係快閃活動, 今朝就係商場, 下晏去咗鰂魚涌, 好似話E家係銅鑼灣喎」
嘩！嘩！嘩！不得了, 即時坐地鐵趕去銅鑼灣, 極度失望的囝問我:「會唔會去到布布都走咗架?」我話:「試吓啦, 如果你想見, 去就有機會, 唔去就實見唔到喎!」
寶琳落銅鑼灣不用30分鐘, 不過, 其實銅鑼灣如此大, 真的要看我們的運氣. 結果, 昨晚我們得到幸運之神眷顧, 快閃布甸狗電話亭大軍就在百德新街百老匯門前!!
我即時和工作人員說:「好彩妳哋未走咋, 我哋專登去咗新都城, 再趕嚟架, 因為小朋友好鍾意布甸狗」
工作人員答:「小朋友你真係好鍾意布甸狗架? 可能以隨便係度影相架喎!! 送兩個波波畀你」我好貪心的問:「係米有布甸狗散子包送架?」
工作人員驚嚇說:「你點知架?? (晴報個Facebook寫)…哈! 哈! 其實只係送畀Media架咋, 到聖誕節嘅時候, 商場可能都有遊戲玩, 或者都有得送嘅, 唔好意思…」
無問題!!無問題!! 因為阿囝有4個布甸波波已經好開心, 他真的以為這個電話亭是可以打得出的, 還問我:「點解無聲嘅個電話 ???」
其實, 好彩得到詢問處姐姐教路, 否則真的不知怎樣找到來銅鑼灣, 而且時間剛剛好, 當我們一拍照完畢, 工作人員就拆除佈景板, 齊齊收工!! Yeah…今晚任務順利完成. 正啦!!
Pom Pom Purin & Family貴族聖誕
日期: 2014年11月8日至2015年1月4日
Facebook : https://www.facebook.com/hayakutang
http://dayanlife.blogspot.hk/2014/10/mcp.html
見鬼10月 哈囉喂 搵鬼同你玩 @ PMQ+皇室堡
10月尾的周末, 日光日白走到銅鑼灣, 走到上環, 基本上與平日沒有分別, 不過一到黃昏或者入夜, 嗚嘩!!~哈囉喂我愛你, 男鬼女鬼滿街飛. 正呀!!
喪屍都有分男女, 好奇怪為何只有我們倆公婆嗎? 因為阿囝驚到縮了在人群中.
細膽的小朋友, 本來得海盜姐姐與南瓜姐姐兩位, 還可以接受, 當5人鬼軍團出場, 當堂驚得震騰騰.
不過, 只要有糖食, 小朋友就可以變成甚麼也不怕, 而且還會主動走入PMQ二十一間店舖, 不停和各大店主大玩「Trick Or Treat」.
我真的意想不到, 平日害怕接觸陌生人的小朋友, 竟然為了一粒糖, 不停同不認識的大哥哥, 大姐姐講「Trick Or Treat」. 哈哈!! 最後,半小時的戰利品, 他不知多滿意今天的戰續喎.
除了PMQ, 皇室堡一樣可以同鬼玩遊戲, 阿囝很有耐性的等鬼朋友出籠, 最主要原因, 當然是看中放在旁的整籃珍寶珠(右下角).
阿囝的POSE是銀色天堂鳥教的, 阿囝很聽話, 因為他以為與金銀男女合照後就有糖食, 誰知….
到阿囝分別與「胸肌可以猜杖」的大隻鬼與萊莉亞, 及蝙蝠塔羅鬼也合照後, 他終於忍不住問我:「點解同佢哋講Trick Or Treat都唔派糖畀我嘅??」
哈!! 因為可能未能時間吧!! 因為我見他們也沒有拿糖果籃出來派….結果, 我帶了他去吃朱古力雪糕, 以解小朋友的鬱結.
PMQ Trick Or Treat 24.10 – 1.11 (1pm – 8pm)
小丸子現真身 拖埋花輪,野口,丸尾 銅鑼灣出巡拉票@皇室堡
嘩!! 昨日四位市立入江小學3年級的人氣學生, 竟然齊齊走到銅鑼灣, 當時記利佐治街所有人, 一見到小丸子同學、花輪同學、野口同學、及丸尾同學, 個個也歡喜若狂, 不斷舉機拍攝, 同時大叫:「點解嘅?」, 「小丸子好得意呀!」, 「花輪同學坐林保堅尼架」.
其實, 這一刻我也不知如何反應, 只懂得不停影影影, 之後又叫囝站在車旁與他們合照, 嘩! 實在太得意, 太有趣啦.
10月13日 超巨型小丸子殺入銅鑼灣皇室堡, 當時我還以為毫無宣傳, 原來好戲在後頭, 他們今日就是變身區議員, 由名車接載, 環繞銅鑼灣一周, 力撐「我最想成為好友的小丸子角色」真普選!
最初, 我也不知道為何他們又在台上, 又走到台下, 再竄入後樓梯, 後來才知道, 原來他們要經後樓梯到停車場坐車巡遊銅鑼灣.
遊車河完畢, 他們又各自帶領一位藝人朋友來拉票, 松岡李那配花輪, 趙頌茹配小丸子, 山內藍配野口及石天欣配丸尾, 趙頌茹真的又高又瘦.
四個角色中, 真人野口絕對最最最入戲, 永遠怕怕羞羞, 頭咠咠, 無自信的神情簡直一絕.
之後更攪笑, 竟然走來50個小小丸及小花輪, 在皇室堡門口跳快閃舞!!
昨日真的幸運, 全無預計下走到銅鑼灣, 竟然可以踫到偶像, 不過, 如果可以有單獨合照時間就更加Very Good.
不過, 其實「我最想成為好友的小丸子角色」拉票遊戲是甚麼呢? 老實說, 整句題目是否由日文翻譯而成呢? 因為我完全不明白意思是甚麼呢!!
香港都買到台灣名物洪瑞珍三文治啦!! 半日賣出1600件 @ 唐詩詠PMQ開店賣三明治
我們今日又去PMQ啦!! 原因…網上得知台灣驚為天人洪瑞珍三明治進駐PMQ. 嘩! 好食到停唔到口的三文治, 香港都有得買啦.
今日下午3時點到達PMQ, 我們發現原來「洪瑞珍三文治」是今個星期 PMQ的「萬聖節美食市集」其中一個攤檔, 其他美食檔位還有, 小甜谷, 媽媽私房菜, Room 28 等.
在洪瑞珍攤位前, 我竟然發現唐詩詠正在和粉絲合照, 我當然也即時問她可否和阿囝拍照呢? 唐詩詠真的很親切, 全無架子蹲下來與囝合照.
拍照後, 我就和囝囝說:「拜拜姐姐啦, 我哋買三文治啦!」 誰知唐詩詠即時主動答:「好呀!! 過嚟啦, 我攞畀你」 原來, 這檔洪瑞珍是由唐詩詠引入PMQ呀! (意想不到)
她笑笑對我說:「我哋唔收得錢架, 你要先去前面買代用卷, 佢哋$20蚊一張, 如果你要買一件三文治就要2張」
於是, 我們買了6張代用卷, 一家三口齊齊品嚐台灣最好食的三文治. (計我話可能是全地球最好食的三文治)
我問唐詩詠為何會在PMQ辦洪瑞珍呢? 她非常友善的答:「因為我好鍾意食架, 而且我哋只係賣7日, 每日都會新鮮由台灣運三文治過嚟」(今日多人光顧嗎?) 「半日差唔多賣咗1600件啦, 聽日應該會入多啲貨呀」
其實, 我都非常非常愛吃香甜軟綿的洪瑞珍, 年半前第一次食, 已經深深被她富有彈性的方包, 人潔地靈的蛋皮加美乃滋( 沙津醬)所吸引, 當初食第一口就如一見鍾情, 再吃就等同三文治談戀愛一樣, 絲絲入扣.
而且, 今日我和洪瑞珍真的非常有緣, 因為唐詩詠親自賣完三文治給我們後就立即離開了PMQ了, 真的覺得好幸運.
其實, 台灣當地洪瑞珍應該約有12款口味, 但檔口另一負責人說:「雖然講係話可以擺三日, 但始終坐飛機關係, 為安全計, 例如吞拿魚等口味都係唔敢搏」所以, 今次PMQ只有三款口味出售, 而且芝士味更一早售罄了.
洪瑞珍的奶油及果醬香味, 令人目不暇給, 她的配搭簡直有種會令人食上癮的感覺, 原來不止人, 就連遠方的哈囉喂喪屍朋友一樣被她吸引過來, 齊齊望住我們吃三文治, 真的很攪笑.
「PMQ Halloween Gourmet Market 元創方萬聖節美食市集」只舉行(10月26日至11月1日) 7日, 如果你要食洪瑞珍就要快快快!!
Facebook : https://www.facebook.com/hayakutang http://dayanlife.blogspot.hk/2014/10/1600-pmq.html
手作仔好睇 好創意 好藝術 好正 @apm周末創意市集
一向愛逛手作仔市集的我, 今日第一次走到「apm周末創意市集」, 最初我還以為是中庭大堂位置舉行, 及後向查問處查詢, 才發現市集位於7樓位置, 略嫌有少許「不就腳」.
一連兩日 (10月25及26日) 舉行的創意市集, 雖然地方細細, 但也有近40檔潮流攤檔, 可以給我慢慢逛, 及與各創作者交流交流.
我覺得全場最有趣, 一定是賣純白色環保袋及純白Tee的攤檔, 店員手持一部紫外光燈機放在衫上說: 「我哋嘅衫同袋, 一遇到太陽光就會由白色, 變成七彩顏色架啦」 說時遲, 那時快, 白衫真的即時變成五顏六色.
阿樵說:「反轉洗反轉涼, 件Tee可以一年依然都繼續變色架.」我問是不是《春夏秋冬》最大熱, 阿樵搖搖頭:「最多人買熊貓呀, 可能每隻熊貓都唔同色, 就連啲竹葉都一樣可以變成綠色架」
UV變色Tee旁邊的「阿達小襪」, 貓仔, 熊仔, 馬仔等等…色彩絶對是全場最豐富, 我問店主「小襪」意思即是全部是用襪制成嗎? Belinda說:「係呀!!我哋啲公仔全部都係用襪縫製出嚟架」
我覺得最可愛就是一批爬地貓仔, Belinda點點頭:「你都覺得呀? 今日真係最多人買這款爬地貓仔, 特別係藍色E隻」
每款公仔都有5-6個不同表情, 懶洋洋, 店主話可以用滑鼠時當手墊用, 望住隻襪貓貓,真的返工都會開心好多.
走到另一邊, 有一枱用數個籐籃, 盛滿顏色配搭得非常奪目的俄羅斯娃娃, Nicole說:「我好鐘意俄羅斯娃娃架, 所以我將佢改良咗, 設計成我自己嘅模樣的俄B.」
綠配紅, 黃襯藍好靚, 可愛到不得了, 三個不同Size的俄B娃娃, 我覺得最煞食就是大版本, 限量的哈囉喂版本, 背部真的有一對魔鬼翼喔! 正…
我問Nicole 枱中的小紅帽公仔賣多少錢呢? 她溫文爾雅地說: 「唔好意思, E個係我特制, 得一隻咋, 非賣品, 我去旅行都係帶埋佢去玩, 去食同影相架」 哦!! 原來是拍檔, 難怪如此搶眼.
俄B娃娃旁邊的檔位的產品排列得非常整齊, Catherine努力的在雕刻, 原來這是一檔賣膠擦印章的檔位, 絶對是可以用來擦鉛筆的膠擦, 十分有趣.
Catherine一邊忙著一邊說:「因為我9月先剛剛攪, 所以除了賣膠擦印章之外, 我十一月仲會嘗試開班, 到時你就可以按照自己鐘意, 雕刻一個屬於自己的圖章」
雖然, 現成已經有拉花咖啡, 西瓜, 松鼠, 麵包, 格仔餅, 但我覺得上堂自制一個有我樣的「大仁生活」印章應該會更加正喎.
全場最有衝勁, 最落力講解的, 一定是賣3D立體砌圖的攤檔, 言談間發現, 檔主三人從未試過參加任何市集活動, 今次才是第一次.
不過, 賣力推銷是有回報的, 因為三位初試啼聲的年青人, 今日的生意也不錯, 我怎知道, 事緣有客人想買其中一款「男仔貓頭鷹」, 但原來早已售罄, 我問貓頭鷹也有分男女? Emily笑笑口:「因為佢頭頂有個蝴蝶嘅E款係女仔仲有貨」, 哈!! 那隻貓頭鷹頭上真的有隻Hello Kitty蝴蝶喎…
如果要選全場最特別的, 一定是一個由HKRRFM所舉辦, 標榜「任攞, 任睇, 任擺」的檔位, 負責人說: 「我們去年先成立, 不過都係十幾個市集舉辦過免費「任攞, 任睇, 任擺」活動架啦.」
她說 :「我哋完全唔會涉及金錢, 因為最主想提倡《分享》, 下月29日, 及30日在石硤尾賽馬會創意藝術中心更會有免費Cafe, 免費按摩, 免費塔羅牌等服務」 她好好人提我:「到時記得帶多啲朋友嚟支持呀!!」
HKRRFM這攤檔很有趣, 如果你看中任何物件, 你都可以攞走, 不過職員會希望你手持心水物品合照, 目的是在網上通知送贈者, 「有人認領了你的寶物喇」.
周末創意市集, 還有首飾, 皮革, 彩繪, 精品等攤檔…最後今日, 之後就要等多一個月後才再舉辦啦!!
Facebook : https://www.facebook.com/hayakutang
http://dayanlife.blogspot.hk/2014/10/apm.html
香港電視 HKTV 屋企部電視有得睇啦!!
好緊張, 好緊張, 前日HKTV Facebook公佈了收看方法, 無聊的我甚少用電視上網, 因為經驗告訴我不時窒窒窒, 不過, 香港電視開台一定要即時去試.
網上說 Samsung 及 我家的 LG 智能電視, HKTV App已經可用, 當我一進入LG Store選項, 真的發現《HKTV 直播》App很神奇地出現了, 何時自動加入電視機的呢?
原來LG Store, 這是如同手機的Play Store, 我要再點選, 才可以把程式正式安裝入電視機. 這是10月23日發出的1.0.3版本.
《HKTV 直播》 App檔案Size 只有 144.2 KB, 不用十秒已經成功載入並自行安裝, 快快一按睇節目吧。
聞說HKTV將於11月19日正式開台, 現階段只是進行測試其直播訊號, 所以全日只有一個節目, 就是2012年12月4日晚上, 大約2小時的「命名典禮」節目, 進行無限循環播放.
本身不愛看網絡電視, 就如港台31的網絡App版, 經常未能連上, 訊號不時出現中斷, 登時令收看意欲盡失.
而今次, HKTV的試播上午看時非常流暢, 看了1小時, 也只是中途有3次約2秒的「窒格」情況出現, 訊號中斷則暫時仍未遇上, 非常讚.
不過, 到晚上時卻「窒格」次數增多, 而訊號中斷更於凌晨零時30分至1時才能再度連線. 希望之後情況可以改善.
之於畫質方面, 明顯不是高清, 因為沒有畫質可供選擇, 故只能以肉眼來推斷, 應該會是720 解像度的畫質, 不知道下月正式出街時, 能否變成高清呢?
現時, 手機的App還未上架, 不知到平板或手機也可以進行測試時, 節目內容會否更新呢? 因為我好想看夏雨 鮑起靜《歲月樓情》
好心急..因為本來很有期望的「老表!你好hea」一樣麻麻地, 看來還是要多忍一個月才有「好戲睇」!!
Facebook : https://www.facebook.com/hayakutang
http://dayanlife.blogspot.hk/2014/10/hktv.html
Hello Kitty 美心卡通啫喱杯 妹仔大過主人婆 一口氣買8杯啫喱為咗換個水壺 @ Maxim’s Cakes
嘩!! 卡通甜品杯又來了, 今次主角是Hello Kitty, 上次迪士尼甜品杯確實驚喜, 不過, 今次我要第一時間買齊一套, 原因不是為了甜品杯, 而是我睇中了加錢換購的Hello Kitty 水壺.
如果論外型, 上次迪士尼甜品杯的造型比較有心思及特別, 今次的設計明顯行貨了一點.
下午走到美心, 甜品杯還剩約三套, 不過, 我發現就算我買一套四杯甜品也只是$128, 如果要換Hello Kitty水壺, 一定要買滿$188, 今次怎算好呢?
店員建議我買Kitty慕絲蛋糕, (她說Melody蛋糕要29日才返貨), 我怕三個人吃不到, 於是他又建議我$99摩天輪啫喱:「啱啱返咗一個, 今日一間舖得一套咋」, 一聽到限定得一套, 二話不說連摩天輪啫喱一併付款, 哈!!哈! Hello Kitty水壺…Hello Kitty水壺…買到啦!! Yeah!
老實說, 這款水壺$78元認真超值, 因為在吉之島Aeon, 普通買一個沒有公仔的細水壺也要$88, 所以, 我今日有少少覺得似執到寶的感覺.
說回甜品杯, 布甸狗做回自己黃色的「芒果布丁」, 西瓜外表的Kerokerokeroppi, 原來是「奶凍青檸啫喱」. 不過, 奇怪的是紅色Kitty變身應該是黃色的「奶凍菠蘿啫喱」, 粉紅色的My Melody則變身「奶凍黑加倫子啫喱」.
顏色感覺與卡通人物有點違和感, 黑加倫子第一時間令我想起X.O, 而Kitty不是應該配士多啤梨或車梨子嗎?
阿囝開心到不得了, 因為他的最愛兩款角色齊齊出現, 舊愛「蛙蛙」與新歡「布布」, (他給Kerokerokeroppi, 及 Pom Pom Purin改的名字). 結果小朋友先食舊愛, 他說:「我唔捨得食咗布布, 食咗米無咗囉…」(他又很有邏輯喎!!)
上次迪士尼甜品杯我們一家三口食得非常開心, 因為四款不同味道,有楊枝金露, 意大利芝士餅, 不過, 今次清一式奶凍配啫喱. 唔…是否流於單調了一點呢??
至於摩天輪啫喱, 與其說買四杯啫喱送Kitty裝飾以及旋轉摩天輪紙座, 倒不如說是買個摩天輪, 再附送兩杯什果芒果及兩杯黑加倫子味啫喱多一點.
不過砌出來的摩天輪也頗巨型, 家中沒有足夠擺放, 還是砌一砌,拍照後又褶回原來狀態較易收藏吧.
哈哈, 有得食, 有得玩, 最重要食得開心, 數數手指原來我也很多年沒有再簡簡單單食杯羅拔臣了. 當然, 我不介意多幾款味道給選擇, 總好過今次一口氣買了8杯啫喱吖.
終於食到真真正正的Kumamon Café ~ 最有靈魂的主題餐廳到港啦!! @ apm 一田 (咁樣先至叫做主題餐廳啦!!)
記得7月尾, 銅鑼灣希慎廣場WIRED Café, 忽然變身熊本熊主題餐廳一個月, 感覺有少少型無實, 欠缺了靈魂一樣… 今日, 實實在在, 真真正正, 可以說是全港最有主題餐廳感覺的Café終於在apm一田開業啦.
經歷了兩間Kumamon Café, 覺得好彩早前銅鑼灣的扮主題熊本熊餐廳飲了頭啖湯, 否則, 兩者一比較, 可能真的沒有人光顧. 因為一田這Café實在太有心思, 太有內涵.
今日是正式開業第二天, 我們18:45到達, 人龍約40人, 而且大家也不要太遲過來, 因為餐廳約19:45便會截龍. (暫時餐廳不接受電話訂枱服務)
餐廳對面有一個Kumamon燒酒Bar, 排隊過程中, 就可以走到對面拍拍照, 解解悶. (大前題當然是同行的一位朋友要犧牲孤獨繼續排隊)
大大隻Kumamon原來可以轉圓的, 你可以扮作調酒師, 與部長對酒當歌. 當然你還可以正正經經與Kumamon來一個傳統合照吧.
酒吧內除了展示出各款部長的日本燒酒外, 還有大量精品, Be@rbrick, 薯片, 杯麵, 沐浴露, 玩具, 杯碟, 木凳, 相機等等…
總知全部與部長有關的東西就在17個玻璃飾櫃內.
還有可愛到不得了的Kumamon BB枱凳套裝任坐, 我覺得這才是真正主題餐廳的基本設施喔!! 非常讚….
今晚我們的入座時間為20:45, 即是足足等了2小時才可以進食, 不過, 因為拍照位置不少, Café旁邊又有熊本熊精品店. 所以其實輪候2小時也可以接受.
店員會於入座前講解餐牌的內容, 非常細心, 而且店員一見有新入座的客人, 就會主動將兩隻部長公仔及咕臣呈上, 好讓每枱也有拍照機會, 十分體貼.
店舖不大, 但有一掛牆電視不停播放Kumamon的短片, 而且食肆也長期播著部長的體操歌, (如果有多三, 四首輪流播放應該會更好), 店內最吸引我的一定是那張「浪客部長」的海報, 好靚呀!!
為何我會說, 這是最有靈魂的主題餐廳呢? 因為盛載的杯杯碟碟全部也是為Kumamon餐廳特制的.
而且, 這裡的食物不會只是插支「Kumamon旗仔」就說是主題餐廳, 因為每款套餐也一定有部長的傻更更樣子出現在食物入面呀.
進食前, 記得問店員索取Kumamon墊枱紙及杯墊作留念. (對不起, 可能我特別愛左儲右儲!!)
你看我們的部長大頭漢堡朳, 薯條薯蓉變成耳朵, 芝士造部長的耳口鼻. 救命啦!! 我真的不捨得食呀!!
接著的咖哩豬扒飯一樣絶不馬虎, 就連部長本身望到也想自己食自己呢!!
跟餐的飯一樣變身成Kumamon, 一樣有兩粒紅卜卜的小蕃茄在部長的左右臉頰. 面白的部長呀!! 豬扒的份量也不少, 而且蛋也沒有炒得太老. 在一間如此有氣氛的餐廳下進食, 剛剛好合格的食物也會自動加30分吧!!
最後, 就是甜品時間, Kumamon杯的甜品是另外點選的, 後面兩款的軟雪糕及軟雪糕併紅豆蓉小丸子則是跟餐附送.
我們額外多點一杯香蕉朱古力雪糕, 沒想到實物是如此細小. 本來試業第一天 (18日星期六)隨軟雪糕可獲這隻部長頭的杯, 但第一天已經派完, 故此現在只能獲贈盛橙汁的那款普通杯.
其實三款雪糕也是一樣, 只是加入香蕉及朱古力醬, 或沒有涵的小湯丸及紅豆蓉. , 可能一向也習慣熱食湯丸, 所以一放入雪糕內有點怪怪的感覺. 不過, 對於一位大愛雪糕的小朋友, 就食到大讚特讚.
本來我向店員阿Roy說可否商借圍裙一戴來拍照, 可惜餐廳不批准, 於是他說不如合照留念好嗎? 當然好啦. Café的店員真的很親切, 雖然忙中有點迷茫, 但只是開店第5天, 我相信應該會愈做愈好.
各位加油!! 下次再來探你們呀!!
相關網誌:
Kumamon Cafe + 專門店真正殺入apm好得意呀!! 好靚呀!! @觀塘一田
Facebook : https://www.facebook.com/hayakutang
http://dayanlife.blogspot.hk/2014/10/kumamon-cafe-apm_22.html
大仁生活 