【尖叫抺茶】"中伏" 與 “翻尋味" 之間 @ 銅鑼灣 City’Super 3店大比併
得知京都中村藤吉將於TheONE開店, 嘩!! 我的抺茶癮又發作, 於是左搵右揀, 發現銅鑼灣CitySuper, 可以一次過滿足我三個願望…簡直是我懶仁勝地啦!!
超親切茶之環 Cha-no-wa
本來我一早鎖定這裡的綠茶Tiramisu , 不過當我一抵達店員阿儀即時推介:「我哋有個新出嘅蕨餅同抺茶啫喱, 不如試食一下好嗎?」
免費試食當然好…蕨餅感覺是質感較強的啫喱, 茶味亦較香, 而且當日天氣轉涼, 吃啫喱太凍不合我老仁家啦.
我直接跟阿儀說:「蕨餅都幾好食, 不過抺茶味無想像中咁濃, 我都淨係買返Tiramisu杯」
阿儀笑笑口:「無問題, 多謝你就真, 歡迎下次有機會再嚟試食過」離開前我問她知不知那裡買抺茶七層塔??
她帶我過旁邊並說:「你睇咗新假期介紹呢?? 就係隔離之麻, 佢哋個抺茶杯都幾好食架,
慢慢揀啦…」(嘩!你幫人哋SELL埋, 咁落力嘅??)
慢慢揀啦…」(嘩!你幫人哋SELL埋, 咁落力嘅??)
美少女Patisserie Yamakawa
7層高的抹茶幻想曲, 有大細版本. 當然就算更愛抺茶, 也沒理由自己捧個2磅裝回家食, 所以還是買細細個的散裝便算.
美少女店員:「我哋用鍚紙包好, 因為怕燈光會影響到蛋糕變黃, 雪櫃入面第一件係Display, 所以先用透明紙, 其實入面都係7層嘅.」
原來, Yamakawa己經開業數年, 這款好有宏偉的幻想曲也賣了年多:「之前都有人買, 但上星期見咗報, 忽然多咗人嚟掃囉」(跟住雜誌做仁, 我最鍾意…)
即叫即極Sweets House Cha Cha
最後就是轉過身, 到對面的Cha Cha買抺茶大判燒, 其實大判燒主力是紅豆餡, 不過我對紅豆麻麻地, 所以第一時間便是抺茶吉士大判燒.
我的抺茶吉士是即叫即製, 不過有人要紅豆款, 店員就將現成的再放回模具上加熱一分鐘, 就奉上給客人…心想:「好彩啱啱係整緊吉士畀我啫…」
嘩!! 一接上手熱辣辣, 超想食, 不過答應了SY給他試食, 於是9秒9立即趕回家, 快快遞給我家的小小試食大使品嚐.
雖然, 遲了15分鐘, 大判燒外觀有少少變形, 但仍有少少微溫, 我將它一分為二, 嘩!! 中間欲罷不能的肥美吉士, 第一眼已經想一啖吞入口.
無錯!! 抺茶吉士好好食, 不太甜, 茶味濃, 滿足到連SY都話:「爸爸!點解你唔買兩個?? 我想食埋你嗰半個」
如果即場熱辣食, 應該更加超班, 我決定要盡快再去買多幾個, 我要Encore.
服務: ★
抺茶味: ★★★★
翻尋味: ★★★★★($15實在太抵)
之後便到賣相最遜色的Tiramisu杯出場…
剛才的暖界皇者, 這個絕對是冰之皇后, 好食到停唔到口, 茶之環的抺茶濃度超越超級撒亞人, 好味又滿足到似奧斯卡聽Gaga 唱 Sound of Music一樣.
因為自己不太愛卷蛋之類的海綿蛋糕, 所以這個Tiramisu杯只含約十份一的蛋糕成份, 絶對可以接受
服務: ★★★★★
抺茶味: ★★★★★
翻尋味: ★★★★($60 少少貴)
最後就是我最期待的抹茶幻想曲
靚得不得了…不過, 阿媽教落:「揀老婆千祈唔好揀個最靚架…」
無錯, 阿媽的理論放在蛋糕上一樣大派用場, 點解這件7層塔一點綠茶味也沒有呢?
文青有偽, 娘又有偽, 原來抺茶一樣有偽, 甚麼叫「好睇唔好食」呢? 我終於知道.
如果不是$55, 我真的不會「啃晒落肚」, 太貴不捨得掉, 但感覺似TVB愛‧回家一樣…點解「啃」極都未「啃」完呢?? ~(我再一次睇新假期…原來真係無讚過架…今次真係中伏)
服務: ★★★
抺茶味: ★
翻尋味:
大仁生活 