Month: 五月 2015
【爽到唔夠喉】90分鐘狂玩可口可樂博物館 @ 重遇星戰R2-D2
【福袋入手】合味道杯麵工作坊~排隊攻略 @ 東港城 2015
【抵過去花墟】30年經驗~珍姐8分鐘靚靚包花
11年前, 因為朋友結婚, 她們專誠走到珍姐位於廣東道街市的花店買花球, 當時朋友說:「我表姐推介, 話E檔好有心機, 同埋夠晒平」
自始我要買花, 一定光顧珍姐. (話就話識咗11年, 但我其實都係買過5, 6次花, 真正傾計今日才算第一次) 繼續閱讀文章 »
【桂林夜市之寶】腸粉大皇~強勢回歸深水埗
桂林夜市「腸粉大王」…回歸深水埗啦!! 今年取消了新年的夜市活動, 以為從此無緣再食, 哈!哈!以後日日食都無問題!!
去年桂林夜市曾老闆的腸粉檔, 是人龍最長的一檔, 蛇餅一直排到轉灣福榮街, 炳記牛牛的位置. (嚇死人咁長!)
蘋果日報幫他統計, 其中一晚共拉了530碟腸粉, (係米拉到手痛??) 曾老闆笑笑口:「我做慣麻, 唔痛嘅」難怪被封為腸粉大王.
85年已經開始在深水埗拉腸粉的曾老闆, 當年一碟腸粉$2, 後來街尾走來兩公婆, 同樣賣腸粉. (香港地就係咁….D麻煩友一見你好賺就炒你)
曾老闆說:「因為我嗰檔太多人嚟, 我索性先加$0.5, 幾個月後再加到$3. 我就係想趕D客去佢哋度, 點知佢哋依舊賣$2, 一年後都係做唔住, 執鬼埋」 (難食..免費送畀我都唔要啦)
原來老闆從小就向爺爺偷師, 爺爺, 爸爸一直都在定鄉惠州羅浮山, 賣山水豆腐, 拉腸粉 , 難怪輕易打底對手啦!
賣街邊做到1997年, (當年原來已經加價到$16一碟), 因為政府趕絕小販, 曾老闆便唯有放棄, 改行做裝修, 「無辦法啦, 咩都做吓, 搵到食就得.」他無奈說.
曾老闆的腸粉不是太通透, 但非常滑, 而且好有米香. 老闆說:「太通透先唔好, 即係啲粉無咁靚」(係咩?? 我仲以為愈透愈滑添)
今晚我們吃了豬潤, 牛肉, 鴨, 我只可說無懈可撃, 特別加入這𥚃的鼓油老闆說:「無味精㗎, 我自己整嘅, 小朋友都唔怕食」(Sorry 我唔想讚, 但真係正!)
老闆教路:「食腸粉要軟熟, 其實我哋腸粉都厚, 但食落口滑,唔會韌, 因為開漿水要啱溫度..(即係幾多度㗎??)..E個講唔出喎, 憑經驗㗎喎」(下次我攞個探熱針嚟自己度)
(你鍾意擺街邊定E家開舖頭呀?) 老闆想也不用想答我:「梗係做街邊, E度租金幾貴, 不過E度無食環捉就真」
原來老闆說這裡開業只有3個月, 還未有太多人知, 希望慢慢會好, (如果重開桂林夜市你返唔返去擺?) 老闆即答:「即係去霸位, 我要宣傳畀人知, 我開咗舖頭麻」(係喎…免費宣傳喎…好橋!)
PS: 7點後店內開始兼買燒雞脾, 豬仔骨, 老闆建議我吃燒生蠔, 因為今日只返貨十隻以內…
沒想過吃即拉腸粉, 可以同時有燒生蠔, 意外驚喜, 又香又入味, 不過因為即叫即燒, 大約須時10分鐘, 超鮮超甜, 如果要等20分鐘都抵!!
【拆蛋專家】TSUM TSUM 出奇蛋 點解嘅??
【食平3D】$8自制「中村藤吉」抺茶啫喱~超正!!
【薄餅仲正】入長洲探雞蛋仔婆婆 @ 沒有包山的2015
「志記士多」並不是長洲景點, 這是一個充滿溫情的地方. 我們每年去長洲包山嘉年華後, 一定到「雞蛋仔婆婆」買薄餅(班戟).