【回憶多美麗】娛記正傳~黃金留情歲月@即場扭Yes卡

花墟有唐樓被政府活化??  若不是今日去「娛記正傳」, 也不知道本來一棟老唐樓, 搖身一變成為靚靚文化中心.

 

留住這時情~「娛記正傳」由6位娛樂攝影記者合力打造,  數百呎的小斗室, 回到未來一樣, 今日老仁家懷緬過去, 睇完又睇, 影完又影玩了2句鐘.

 

金電視, 玉郎電視, 香港電視, 簡直就是陪伴我長大. 不過我以往只買大眾電視,
因為貪滑面印刷, 感覺得高級.

 

100分…我也有少少印象, 但是Size如漫畫周刊的…就不是太記得,
還有一本叫活力電視嗎? 印象矇糊了…

 

現場還有「由不是80年代」, 是90年代的代表作,
Yes 卡機…絶對不是個夢, 放$1真的有Yes卡走出來.

 

當年信和明星相舖的水版牌, 依然都是令人心動的周慧敏, 楊彩妮最吸引…其實右手邊還90年代的一眾小花…但我記得令我著迷的,
只有朱茵.

 

今日, 最令我大開眼界的, 一定是哥哥88年百事巨星張國榮演唱會的汽水罐,
雖然罐已經生銹, 又有凹痕…不過, 我反而覺得好有味道, 難忘的氣味.

 

可能是91年, 商台的水運會, 嘩!竟然可以有如此大陣容,
粒粒星也泳衣上陣…當年紅極一時的陸嘉俊, 及蔡興麟小小泳褲Look…

 

場中還有劉德華. 為了今次活動, 即直發毫的賀詞, 這份報紙叫「華報」…如果劉華真的辦報,
紙媒應該又有一番新景象啦.

 

德哥是今次展覽的靈魂攝記, 我問:「作品中最難忘係咩呢?」,
德哥:「一定係2004年無端端跟9個天皇巨星飛咗去約旦, 影佢哋拍百事廣告啦」

不是德哥重提, 真的忘記了, 百事曾經較可樂更大投資,
9星連環, 廣告中飛來飛去搶百事…

 

德哥:「當年真係好大陣仗, 又Sammy, 城城, 周杰倫,
蔡依琳, Edison, F4…我哋跟足8日, 不過百事無請傳媒, 係我哋自己偷偷地, 係另一個山頭, 遠遠咁影埋去」

 

至於大相當中, 德哥說:「原來只有王菲我放咗兩張, 影嗰時佢仲係叫王靖雯」

 

(邊一張係德哥你認為最正?) 德哥說:「一定係袁詠儀啦…當年佢新不了情記者會,
我叫佢出咗去酒店出面影, 不過連佢都覺得靚, 我都覺得好出」(真係好靚!)

 

1997年, Raymund入行第二年, 便跟大隊到黃河採訪柯受良,
他說:「當期時剛剛出數碼相機…你估我孭係身嗰部Canon幾多錢?」

 

(嘩!咁大舊嘅, 駛唔駛5萬?) Raymund:「20萬一部,
仲要十幾磅, 當年D記憶卡好似張卡片咁鬼大, 但只係得幾MB, 所以一影完幾張就要Save, 當期時第一次攞部機出Trip, 真係好大壓力」

 

做了2年蘋果,  Raymund就轉去Yes…(咁當年你影啲Yes卡米發過豬頭?) 他答:「我有份影, 但無得分錢㗎,
全部都係公司賺, 可想而知, 佢哋幾好搵」

 

Raymund一直工作至Yes結束, 就轉為自由攝影人…(其實,
點解今次展覽得8日咁鬼少?)

 

Raymund:「無錢租咁長麻…同埋我哋又怕D相唔知放太耐,
有冇版權問題, 不過嚟緊可能會有下集…但睇下反應先啦, 多D回響, 我哋都想快D攪」

 

記得快快開續集呀!好正這個小空間, 我腦海不停飄回從前美好的時光…點解我從前要「揼晒」當年的電視書呢??

大仁生活facebook

「娛記正傳」

即日至11月8日(12pm-730pm)

太子道西204號2樓　 走馬燈