7-Eleven
【OnePiece2年後…】索柏‧白星玩變臉 @ 7-Eleven 的偉大航道
剛剛好又是2年… 漫畫中「頂上戰爭」的2年後, 路飛相約大家重聚泡泡島…(當年好興奮的重新出發篇…)
原來, 一霎眼距離上次7-11換One Piece公仔,又是2年…(雖然, 其實2013年9月的公仔版本已經是新世界篇的造型…)
【終於嚟香港】壞蛋PEZ 7-11都有得買啦!! @ DespicableME
今日走過炮台山, 竟然給我在電氣道的7-11見到壞蛋彼禮士糖…Stuart 及 Dave正在呼喚我…
不過, 當時滂沱大雨, 1個Stuart 及 4個Dave躲在便利店大門前等我領養, 我問店員:「壞蛋幾時返架?」他回答:「尋日返得一盒仔, 賣剩E四個…無㗎喇」(點解我尋日唔見有嘅?) 繼續閱讀文章 »
【復仇者聯盟2】今次真係發達啦!! @ 7-11
何謂:「開心到彈起!!」SY學校假期最後的今天, 他和我就徹底興奮到不停大叫:「嘩!! 嘩!!嘩!! 好勁呀!! 好靚呀!!」
首先要多謝7-Eleven PR姐姐的厚愛, 為SY送上超級無敵的復活節禮物, 其實連我自己也驚喜到難以至信…我的復仇者聯盟2套裝呀! (今次真係發達啦!!)
復仇者聯盟絶對是我最愛的外國英雄電影, 一次過十多個英雄齊齊出場, 簡直就等同幪面超人們大戰戰隊一樣, 大堆頭大陣仗, 第一集我亦煲到滾瓜爛熟的境界.
SY只看過IronMan, 他問:「點解有個肥嘅IronMan? 好人定壞人嚟架?」我答他是給IronMan坐在入面控制的, 用來對付變形俠醫的.
SY:「吓? 爸爸…你又話鍾意綠色E個人? 壞人你都鍾意?」 小朋友十分緊張, 只愛正義朋友, 從前我買了一套「嘰嘰」衫給他, 當他2歲時, 未知「嘰嘰」為何物時, 也肯穿著, 及後一發現「嘰嘰」是壞人, 他幾乎想剪爛件衫.
我解釋:「變形俠醫有時會失控發狂, 所以IronMan就駕駛HulkBuster機械人對付佢, 之後佢一定會變返好人嘅, 你放心啦!! (你唔好呃我喎!!) 到時一齊睇套戲米知囉…」(鬼咁期待兩隻大嘢打到七彩的畫面呀!)
SY:「咁十個, 邊個係壞人呀? (銀色嘅奧創囉) 我都估係, 好醜樣呀佢…姐姐係唔係好人? (係呀!! 佢係變形俠醫個女朋友)」好驚奇的阿囝:「真係架??」(我都未睇套戲, 點知呀???)
「復仇者聯盟」我鍾意, 所以覺得這套公仔, 絶對近年, 7-11換公仔中最最最正的一套, 前幾日, 我見7-11上陳列架時, 我望足5分鐘, 店員仲同我講:「好靚呵, (係呀!)聽日先開始換喎…」(我知, 所以米企定定望住先囉…)
之後換得太多女性向公仔, 印象中純男性系列應該是第一次, 雖然很多女網友也表明對今次公仔不感興趣, 但我和囝則非常着迷, 因為太多偶像喇…
每個公仔脫下地台, 背面有一個磁石功能, 阿囝發現後, 「瘦嘅就得啫, 機械人同綠色人咁大隻點得呀??」磁石很強…全部經過測試, 阿囝:「原來真係10隻都黐得到呀!!」(仲好實添!!)
不過, 奇怪為何今次首日並沒有基地換購呢? 前日星期三, 我還專登走去問了數間7-11,
答案當然統一標準:「無喎, 今次無見過有基地換呀」
答案當然統一標準:「無喎, 今次無見過有基地換呀」
(我就無所謂, 因為今次份復活節禮物有大盒,正正就可以畀我當基地啦!!)
【會員限定】大頭螢光米奇老鼠 必換!! @ 7-Eleven
7-Eleven出了一個App, 其實我一早安裝了, 不過發現要填大量資料, 所以擱置登記. 誰知昨日開始可以儲分換米奇…吸引到我這個懶鬼也即刻填填填.
新登記用戶, 每人送50分, 每消費$5, 即得1分. 換螢光米奇要70分, 即是我買$100就可以加$20換.
第一次用這個App入錢, 感覺很奇怪, 入錢放入手機用, 真的未試過, 有點莫名奇妙. 似十足當年iPhone面世時, 「咦??點解電話無鍵盤嘅??」(店員問是否入$100??)
之後東搵西搵, 結果我們揀了$103, 問題又出現了, 因為我只入了$100入手機, 店員和我也不知怎繼續付款…
她建議用八達通付餘額, 我也讚成. 結果$103變成全由八達通繳付…
不過, 原來用八達通, 一樣儲到積分, 即是成功得到一共70分, 可以換公仔…(既然如此, 早知我剛才不存$100入手機App啦)
不過, 原來這隻螢光米奇還未有現貨, 要等到2月6日先有, 現在是預購.
SY問我:「現貨係咩? (即係今日無米奇, 要兩個禮拜後先有)」 之後小朋友手持樣本米奇問店員 :「姐姐…你畀E個我米得囉, OK?」
其實SY說了我心底話…哈!! 最後店員答應借給我們拍照已經算好好喇!!
原來預訂後, 還可以登記抽迪士尼入場卷, 400個名額, 抽中就發達!! 不過…我不明白, 既然我也登記了7-Eleven App, 為何還要用電記登記抽獎呢?? 有少少不方便的感覺吧!!
將迪士尼「夜光巡遊」搬晒返屋企玩啦 @ 7-Eleven「Light Parade 型光花車」
終於等到啦!! 7-Eleven年度壓軸公仔系列, 靚到不得了的迪士尼夜間巡遊「Light Parade 型光花車」出場啦!!
今日有幸出席盛事的發報會, 眼前Bling
Bling閃足24次, 因為從未如此亮, 如此誘惑的一套迪士尼公仔.
Bling閃足24次, 因為從未如此亮, 如此誘惑的一套迪士尼公仔.
每年7-Eleven的壓軸公仔系列均會分兩部份換購, 而今次玩迪士尼, 所以明天(2014 年 12 月 3 日)就是可以購買「小鎮大街火車站」紫外光燈陳列座, 簡直可以將屋企變成一個小小的迪士尼大門口一樣.
標榜花車系列, 全套30隻公仔都是車仔, 24款普通版角色全部不會重複, 嘩!! 精彩到忍不到手.
第一彈, 我最想要三眼仔, 小飛象, 抱抱龍, 閃電王麥坤, 鋼牙奇奇與大鼻帝帝, 點解無哨牙嘜呢???
發報會請來翠如BB和長腳蟹來剪彩, 兩位嘉賓真開心, 因為可以即時擁有全套第一彈12隻「螢光車隊」啦!!
至於2015 年 1 月 14 日起推出的第二彈, 更更更加正, 因為12隻也是「夜光」款式的. 配合第二彈的陳列座, 大家認得嗎?
迪士尼的地標「閃亮城堡」, 還有背景是爆發煙花一剎那呀!!
毛毛與阿 Boo, 玩具綠色人, 小木偶一定一定要抽到呀!!
不過, 今日在場沒有展出6款節日特別版, 看來聖誕版的胡迪及Let it Go Elsa加小白一定會勁搶手, 可能又非要晨早去排隊不可了.
今次的換法和過往一樣, 但是…不過…印花換領數量加多了少少難度, 7個印花+20元, 或18個印花才可免費換一盒喔!!